Il – Kapillan Tat – Tours “Birotteau, imbeżża’mill-ħin li għadda bejn il-mistoqsija u t-tweġiba, billi kien, għall-ewwel darba f’ħajtu, ħa l-kafe mingħajr ma tkellem, ħalla l-kamra tal-pranzu fejn qalbu kienet magħfusa donnha ġo morsa. Hu u jħoss it-tazza tal-kafè tqila fuq l-istonku tiegħu, mar jippassiġġa b’mod imnikket fil-passaġġi żgħar dojoq u ppizzjati bis-siġar li kienu jiffurmaw stilla fil-ġnien. Iżda hu u jdur lura, wara l-ewwel dawra li għamel fih, ra fuq l-għatba tal-bieb tas-salott lil Mademoiselle Gamard u lil Dun Troubert imħawlin baxx baxx: hu, b’dirgħajh marbutin u mingħajr ma jitħarrek donnu statwa ta’ qabar; hi, imwieżna mal-bieb bil-persjani. It-tnejn li huma kienu donnhom, huma u jħarsu lejh, qed jikkalkulawlu l-għadd tal-passi. Xejn mhu diġà aktar skomdu għal kreatura min-natura tagħha timida li tkun is-suġġett ta’ eżami kurjuż; iżda jekk hu jsir b’għajnejn il-mibegħda, l-ispeċi ta’ sofferenza li jikkawża tinbidel f’martirju intollerabbli …” Honoré de Balzac (1799 – 1850) hu rumanzier u drammaturgu Franċiż. Il-magnum opus tiegħu hu sekwenza ta’ novelli u rumanzi li flimkien iġibu l-isem ta’ Il-Kummiedja Umana, li toffri firxa sħiħa tal-ħajja Franċiża fis-snin wara l-waqgħa ta’ Napuljun Bonaparti. Minn: Paul Zahra Format: paperback Pagni: 118
